JA JUBILEE POI GALAW

 Jinghpaw Mung, Myitkyina Saradaw Ginwang, Mohnyin Jau aseng Hopin Mare hta shanu magam gun nga ai, Hopin Mare Lithkam Sara Kaba Henry Kaiji Gam a Karai Magam Gun (50) Ning Hpring Ja Jubilee hpe 2022 April, 30 (Bat Kru Ya Shani) Hopin Mare na San Mary Catholic Nawku Jawng Wang hta Kabu Gara Awngdang ai hte galaw la lu sai.

SARA JAN MONICA N HKUM KAI HTANG MADU HTA YUP PYAW

YAWN HKYEN SHIGA

Kamaing Jau Ginwang, Nam Sheng Mare kaw shanu nga lai wa sai (Slg. N Hkum Naw Hkam hte Jan Marip Nang Roi) yan a Kasha,

Kasha ni,

Jan.Justina Kaiji Kaw Ja + Slg. Josehp Tu Htang,

Jan Benedette Kaiji Lu Mai + Slg. Awng La,

Slg. Peter Kaiji Gam Hpang + Jan Labu Pri Ja,

Slg. Paul Kaiji Naw Awng + Jan Sumlut Nu Jan,

Slg. Joseph Kaiji La Doi + Jan Gadu Seng Hkawn,

Shd. John Kaiji Tu Lum,

(Bosco Kaiji Tang Gun),

Jan Mary Kaiji Roi Nu + Slg. Tsam Ja Naw,

Shd. Francis Kaiji Yaw Htung,

(Cecilia Kaiji Htu Lum),

Slg. Columban Kaiji Hka Lu + Jan Gracy,

Shd. Blais Kaiji Ji Pan ni a tsawra chyeju madu chyinghkai Kanu,

Kashu (36), Shu Mashi (3) ni a Kawoi Dwi

Ya ten Mohnyin Jau Ginwang Hopin Mare kaw shanu nga ai Hopin Lit Hkam, Sara Kaba Henry Kaiji Gam a tsawra dik ai Ningrum Ningtau Jan,

Monica N Hkum Kai Htang

(Asak 71) gaw

December 10, bat Manga ya, shani hkying (1:20) ten, Madu Yesu hta Yup Pyaw Bansa mat wa sai lam ni ai tsan ai hkan nga ai Kashu, Kasha, Machying Jinghku ni na chye lu na matu shana dat ga ai.

Makoi Mayang lamang mahkyen

Nthoi: December 12 ya Laban Shani

Misa Hkungga: 11:00 AM

Shara       : St. Mar Nawku Htingnu, Hopin

Makoi Mayang: 12:00 NOON

Shara       : Hopin Catholic Lup

Saw Shaga ai,

Sara Kaba Henry Kaiji Gam hte ngam nga ai dum nta masha ni

Hkringdat

3/36 

Myazeyar Lawk

Hopin Mare

NICHOLAS KAIJI LUNGSENG DU 5 NING HPRING

Nicholas Kaiji Lungseng Du gaw 2021 December 5 ya shani (5) Ning Hpring sai.

DUM NTA NINGNAN DINGSHAWN POI GALAW

Slg. Paul Kaiji Naw Awng hte Jan Elizabeth Sumlut Nu Jan kung dinghku dum nta masha ni kawn, Karai Kasang a shaman chyeju san san hte sha hkam la lu sai dum nta ningnan hpe Karai Wa kaw bai ap ya ai Nta ningnan shaman chyeju shakawn hpawng hpe October 31, 2021 (Laban) shani hta awngdang ai hte galaw la lu sai. Nta ningnan dingshawn poi hpe shani hkying (2:00) aten hta Wa Jau Paul Tun Khaing kawn Misa Hkungga nawng ya nna nta hpe shaman ya lai wa sai.

Lamng Daw (II) hku nna, shan maga hkying (4:00) ten, chyeju shakawn akyu hpyi hpawng bai galaw ai hta Tingyang Up Slg. Columban Kaiji Hka Li kawn tingyang up tai let galaw la lu sai. Lamang ni hta Slg. Columban Kaiji Hka Li hte Jan Gracy hkan nu wa ni kawn Kahpu Kanau makun Shat Lit hte sa du shagrau la lai wa sai. Wa Jau Paul Tun Khaing kawn Karai Mungga hpe htawn tsun shalai ya nna, Rev. Dashi Gum San (Texas KBC) kawn hkum tsup akyu hpyi ya sai hte, Hpungtau Hpaulu Gun Awng kawn malu masha a matu akyu hpyi ya lai wa sai.

AUGUSTINE KAIJI LUNGSENG AWNG (2) NING HPRING

Slg. Paul Kaiji Naw Awng hte Jan Elizabethzin yan ai tsawra ai kasha, Helen Kaiji Lungseng Pan a kanau, Nicholas Kaiji Lungseng Du a kahpu Augustine Kaiji Lungseng Awng  a (2) ning hpring chyeju shakawn lamang hpe August (23) ya shani Fort Worth dum nta kaw galaw la lu sai. Sa du kabu, akyu hpyi lawm ai manaw manang ni yawng hpe grai chyeju dum ga ai.

HELEN KAIJI LUNGSENG PAN JAWNG LUNG HPANG SAI

August (16) 2017 ya shani kawn Helen Kaiji Lungseng Pan gaw Fort Worth St. Gorge Catholic School kaw jawng lung hpang wa sai. 

HELEN KAIJI LUNGSENG PAN (3) NING HPRING

Slg. Paul Kaiji Naw Awng hte Jan Elizabeth Zin yan ai tsawra ai kasha, Augustine Kaiji Lungseng Awng hte Nicholas Kaiji Lungseng Du yan ai kana ba Helen Kaiji Lungseng Pan a (3) ning hpring chyeju shakawn lamang hpe August (15) ya shani Fort Worth dum nta kaw galaw la lu sai. Sa du kabu, akyu hpyi lawm ai manaw manang ni yawng hpe grai chyeju dum ga ai.

NICHOLAS KAIJI LUNGSENG DU KASHIN KAMUN HKAM LA

Nicholas Kaiji Lungseng Du Kashin Kamun Sacramentu hkam la,
Holy Family Catholic Church, Forth Wort Texas, USA
May 21, 2017

MONICA KAIJI SENG NU

Slg. Columban Kaiji Hka Li hte Jan Gracy Zar yan a Shayi sha alat Monica Kaiji Seng Nu hpe 2017 January (2) ya shani USA, Fort Worth Mungdaw Fort Worth Mare na Harris Methodist Tsirung Kaba hta Karai Kasang a shaman chyeju a marang e ngwi pyaw hkam kaja ai hte shangai chyinghkai la lu sai.

NICHOLAS KAIJI LUNGSENG DU

Hopin Mare kaw shanu nga ai Sara Kaba Henry Kaiji Gam hte Jan Monica Nhkum Kai Htang yang a kashu, Slg. Paul Kaiji Naw Awng hte Jan Elizabeth Sumlutzin yan a kasha, Henlen Kaiji Lungseng Pan hte Augustine Kaiji Lungseng Awng yan a kanau Nicholas Kaiji Lungseng Du hpe 2016 December (5) ya shani USA Mungdan, Texas Mungdaw Fort Worth mare na Harris Methodist Tsirung Kaba hta hkam kaja ai hte sha shangai chyinghkai la lu sai.

COLUMBAN KAIJI HKA LI HTE GRACY ZAR YAN A HKUNGRAN POI

Columban Kaiji Hka Li (Columban Ah Li) hte Gracy Zar yan a Hkristan Kun Dinghku de, Hkungran Scrament la ai poi lamang hpe Auguest (28) ya shani awngdang ai hte galaw la lu sai. Ndai Hkungran Poi lamang hta Hkungran Misa hkungga sa du nawng ya lai wa sai Wa Jau ni marai (6) hpe ndang tsun hkra chyeju dum ai.

Hkungran Poi awngdang la lu na matu lam amyu myu hku karum shingtau la lai wa sai, KCCT hpung masha ni, Dallas Kaya Community ni hte machying jinghku ni, manaw manang ni yawng hpe Kaiji dum nta masha ni kawn na chying wa chyeju dum dat ga ai.

SAN COLUMBAN JAU TAI JAWNG KAWN SHAGRAU

Jau Tai Jawngma Usa rai nga ai Slg. Paul Kaiji Naw Awng hpe November (24) ya shani galaw ai San Columban Jau Tai Jawng (50) Ning Hpring Ja Jubali Poi hta shagrau lekmat hte shagrau hkrum lai wa sai. Shagrau lekmat hpe Kawa rai nga ai Sara Kaba Henry Kaiji Gam kawn hkap la ya nga ai.

DOMINI SAVIO KAIJI SUT DAN HKAWNG MADU HTA YUP PYAW

Danai Mare kaw shanu nga ai Slg. Peter Kaiji Gam Hpang hte Jan Labu Pri Ja yan a tsawra ai kasha Dominic Savio Kaiji Sut Dan Hkawng (Asak - 4 ning shata 9) gaw November (17) ya jahpawt hkying (2:30) ten hta Madu Yesu hta yup pyaw mat wa sai. Tsawra ai Kasha Dominic Savio Kaiji Sut Dan Hkawng a Wenyi Karai Kasang a tsawra matsan dum ai hte Sumsing Ja Mungdan hta htani hta na ning ngai nga lu u ga.

AUGUSTINE KAIJI LUNGSENG AWNG KASHIN KAMUN HKAM LA

Hopin Mare hta shanu nga ai Sara Kaba Henry Kaiji Gam hte Jan Monica Nhkum Kai Htang yan a Kashu, Slg. Paul Kaiji Naw Awng hte Jan Elizabethzin Sumlut yan a tsawra ai shadang sha alat Augustine Kaiji Lungseng Awng hpe 2015 October (25) Chyoipra ai Laban shani Fort Worth Mare na Holy Family Catholic Nawku Jawng kaw Karai Kasang hpe ap ya ai Chyoipra ai Kashin Kamun hpe Wa Jau Jaff a lata hta hkam la lu sai.

AUGUSTINE KAIJI LUNGSENG AWNG

Sara Kaba Henry Kaiji Gam hte Jan Monica Nhkum Kai Htang yan a Kashu, Helen Kaiji Lungseng Pan a kanau, Augustine Kaiji Lungseng Awng hpe August shata (23) laban jahpawt hkying (6:03am) ten Harris Methodist Tsirung Kaba, Fort Worth, Texas USA kaw Kanu yan Kawa rai nga ai Slg. Paul Kaiji Naw Awng hte Sumlut Elizabeth Zin yen kawn hkam kaja ai hte shangai chyinghkai la lu sai.

8.5 lbs

22" high

August 23, 2015

Sunday 6.03 AM

Harris Methodist Hospital

Fort Worth, Texas, USA

AH DWI ELIZABETH NHKUM BAWK HKAWN MADU HTA YUP PYAW

February 15, 2015 (Laban) Shana daw hkying (6:00) ten Madu bai woi la hkrum sai annau ni a tsawra ai Ah Dwi Elizabeth Nhkum Bawk Hkawn. Ah Dwi ngwi pyaw ai ja mungdan hta htani htana ningngai nga lu u ga.

HELEN KAIJI LUNGSENG PAN KASHIN KAMUN HKAM LA

Helen Kaiji Lungseng Pan gaw 2014 November 23 ya Laban shani Fort Worth na Holy Family Catholic Nawku Jawng kaw Wa Jau Jeff Poirot a lata hta Kashin Kamun hkam la lu sai.

HELEN KAIJI LUNGSENG PAN

Sara Kaba Henry Kaiji Gam hte Jan Monica Nhkum Kai Htang yan a kashu Helen Kaiji Lungseng Pan hpe Karai Kasang a shaman chyeju jaw ai ngwi pyaw hkam kaja ai hte 2014 August 15 ya shani USA Mungdan, Taxes Mungdaw, Fort Worth Mare na Harris Methodist Tsirung Kaba kaw shangai chyinghkai la lu sai.

SARA HENRY KAIJI GAM HTE SARA JAN MONICA NHKUM KAI HTANG

2014 Ning April shata hta Yangon kaw tsi sa tsi hkam la nga ai ten.

KAIJI KASHA